بعد فوز المنتخب المصرى ببطولة أفريقيا للمرة التانية على التوالى بسبب إتصال من السيد الرئيس محمد حسنى مبارك , جاءت خسارة منتخبنا على أرضه من الأرجنتين اللى استغلت عدم إتصال الريس بالاعبين قبل المباراة
زعلان منك أوى يا ريس .... ليه متصلتش !
مش بالمنتخب يا ريس .. انت غبى ؟ .. أنا أقصد حاجة تانية
عايزينك تتصل ببتوع الأسعار , و ياريت تتصل ببتوع البطالة
عايزينك تتصل ببتوع العنوسة
و عايزين إتصال ببتوع الحريات و كمان بتوع حقوق الإنسان
عايزين حقوقنا يا ريس
عايزين حقوقنا يا ريس
عايزينها من اللى نهبها .. .. عايزينها منك يا ريس
أنا عارف إن إتصالك سره باتع
و لو ممعاكش رصيد.... إديهم رنة
زعلان منك أوى يا ريس .... ليه متصلتش !
مش بالمنتخب يا ريس .. انت غبى ؟ .. أنا أقصد حاجة تانية
عايزينك تتصل ببتوع الأسعار , و ياريت تتصل ببتوع البطالة
عايزينك تتصل ببتوع العنوسة
و عايزين إتصال ببتوع الحريات و كمان بتوع حقوق الإنسان
عايزين حقوقنا يا ريس
عايزين حقوقنا يا ريس
عايزينها من اللى نهبها .. .. عايزينها منك يا ريس
أنا عارف إن إتصالك سره باتع
و لو ممعاكش رصيد.... إديهم رنة
10 comments:
اول تعليق
بجد عندك حق وبالذات فى حته العنوسه دى بس مش واخد بالك انها وسعت منه شويه انه ميتصلش بيهم ويكرمهم لانهم خسروا اتنين بس
متتاخرش علينا يا جميز وشكرا على زياراتك المتتكره عند اختى حنه اوك ؟
بس بتتاخر دايما
ااه والله اكن مفيش حاجه بايظه فى البلد خالص
وخلاص بقينا عالم مرفها قوى لدرجه انه يتصل يطمن على المنتخب
عارف احنا خسارنا ليه قدام الارجنتين علشان خديجه زوجة ابن الريس كانت هناك الظاهر كده قدمها قدم خيييير
الراجل ده باين عليه كبر وخرف الله
يريحنا منه خلاص فاض بينا
ولاء
طب والنبي ليه ما قلتلوش يتصل باقرب حانوتي ، ده انا اعرف واحد كويس قوي في مصر الجديدة هيخلصه فل .. بس هو ينوي
هو ده الاتصال الوحيد اللي ممكن يعمله
واذا مش قادر نتصل له
وهو حسني معاه رصيد اصلا علشان يرن لحد
ده مش لاقي ياكل حتى
!!!!!!!!!!!!
انت ماسمعتش عن ازمه العيش ولا ايه
!!!!!!!!!!
ده انا لسه شايفه متعور بمطوه من واحد على الطابونه اللي تحتنا
آمين يارب
هو الريس فاضى ياعم انت حرام عليكم ده كل يوم لقاءات مع ناس ملهاش لازمه ده حتى مفضاش يروح القمه
والله حرام بجد
الو يا ريس
ربنا يكرمك تعدي امتحان الثاناوية السنادي على خير
منتا عارف اني مبحبش الحفظ ومش عارفة احفظ المنهج الي ملوش معنى ده يا ريس
ايوة يا ريس
اه ربنا يخليك تصلحلنا الفرن الي جنبينا لحسن الطابور طول اوي يا ريس
وبابا
ياريت ترجع بابا من السعودية بقة وترفعلو مرتبو من 300 جنية لمرتب بمقام واحد استشاري يعني يا ريس
انا حاسس اني عطلتك
عارفة ان عندك ماتش كمان ساعة
انا اسفة على ازعاجك
في امان الله يا فندم في امان الله
اعتقد انه هيتصل بنفسه لمه نتكلم عن الاسعار
تحياتى
احمد الجيزاوى
تفتكر هيتصل يسأل على اى شئ
كل يوم اتأكد من صدق مقوله الشكوى لغير الله مذله
بس تفتكر الاضراب ممكن يغير حاجه؟
معوش رصيد ايييييه
ده الريس اكيد بيزنس
ده الريس يا جدعاااااااااااان
الأعزاء جميعا
أعتذر عن التأخر على الرد عليكم
نظرا لسوء الأحوال الكمبيوترية
Post a Comment