حجة جاهزة , بيقولها اللى بيمشوا بجوار الحيط , أو بصراحة أكتر , اللى بيمشوا جوه
الحيط ... أنا عندى عيال .. و عايز أربيهم .. و نفسى أسيب لهم شىء كويس يفتكرونى
بيه ..
كل الناس عندها عيال , و حقك , و حقوقنا , مين هيطالب بيها , و مين هيرجعها من بطن
اللى ناهبها , و لو كل انسان هرب من واجباته , مين هيحققها له , و لو كل انسان استنى غيره يشتغل مكانه , يبقى عليه العوض و منه العوض !
إيه الأحسن إنك تسيبه لولادك ؟
كلمة شكر على مجرد تربية مفروضة أصلاً على الآباء !
أو تسيب لولادك شىء يفتخروا بيه فى حياتك أو من بعدك !
مصر بتناديلك .. إوعى تديها ظهرك !!
26 comments:
شكل المدونه انه جديد
بس كدة من اول بوست تعلن انك مش هتمشى جنب الحيط لا كمان بتحرض على عدم المشى جنب الحيط يا خبر دة قضيه يابنى
عموما تحياتى لك ولمدونتك الشابه واتمنه ان ارك مدون كبير واتمنه ان ارة مدونتك منبر لحريات
اخوك
احمد الجيزاوى
العزيز أحمد الجيزاوى
يا عم احنا مبنخافش من أى قواضى
انا أصلا هربان من تأبيدة :)
سعيد جدا بتعليقك و اتمنى دوام التواصل
لالالالالالالالالالالالالالالالالالالالالالالالالالالالا
بلاش القلب الجامد ده
احنا بيهمنا
المثل بيقول اللى ملوش اهل الحكومه اهلوا
لازم نحترم بابا مبارك
وماما سوزى
وعمو حبيب العدلى
وزى ما قال عمو فى اخر لقاء له مع مفيد فوزى
قااااااااااااااال
انا بقول .......اعترض
انا بقول ............انتقد
لكن انا بقول
متعديش حقوقك
خد بالك هو بيقول دلوقتى
احذر
عزيزتى سيكو
هو انا عندى غير بابا و ماما و عمو
هو انا خلفت غير بابا و ماما و عمو
دول اعز الحبايب :)
على فكرة عمو بيقول
إعترض .. انتقد .. إتظاهر .. لكن فى الحديقة الدولية
فعلا عندك حق الناس تربت على الخوف او بمعنى اصح عايزه تاكل وتشرب وتربى الاولاد ومش مهم اللى يحصل فى البلد مع انهم هم اول المضرورين مش عارفه الناس دى بتفكر ازاى
ولاء
عزيزتى ولاء
اللى الناس بتعمله ده نوع من خداع الذات و الهروب من مواجهة نفسهم بالسلبية المتأصلة فينا احنا الشعب المصرى من زمان
اللي يدي مصر ضهره تديله على قفاه عدل
عزيزى حنظلة
الحقيقة مش مصر هى اللى بتضربنا
و النظام الفاسد بيضرب فى الكل , اللى مديها ظهره و اللى مديها وشه
أحب أطمنك
يوم من الأيام احنا اللى هنضربه
و مش على قفاه بس , لأ , فى كل حتة فى جسمه
شكلك لسه متفرج على فيلم حاله حب ده مشهد موجود جوه الفيلم لكن فعلا كلام صح الناسش كلها ماشيه جوه الحيط مش تحت لكن انا ماشى فوق الحيط
عزيزى صوت من مصر
الكلام من قلب الشارع و من المعارف و الصُحاب
الإستسهال و الهروب من المسئولية
ناس تقول لك إن دورها فقط فى تربية ولادها , و نا س تقول لك إنها بتجاهد الجهاد الأعظم ( جهاد النفس )والحقيقة كله حجج عشان عدم المشاركة فىأى دور وطنى
ومين فعلا معندوش عيال وعايز يربيهم امال سيدنا ابو بكر لما ساب اولادة وهاجر مع الرسول ولم يترك لهم شيئا مفكرش زينا لية وكل الناس الي استشهدت عشان الاسلام مخافوش لية علي ولادهم الناس دي ماتت عشان الجنة وعشان ولادها تعيش ياريت نفهم معني الكلمة كويس
كلنا بتمني نسيب حاجة لولادنا يفتكرونا بيها
الناس اللي اتولودا في التلاتينات بيفتكروا القيم و الاخلاق اللي اهلهم علمهلهم
بس يا تري ؟؟ الجيل الجديد حيفتكر القيم و الاخلاق و لا المال؟؟؟
تحياتي...............
عروس البحر
مشمش
متفق معاكى فى كل كلمة
و لو كل واحد اتحجج بمسئولية عن شخص أو كيان لعدم مطالبته بحقوقه مش هنلاقى حد يطالب بيها , و لسبب بسيط جدا , كلنا مسئولين
عروس البحر
كلنا فعلا بنتمنى نسيب حاجة لولادنا
لكن كمان لازم نهيأ لهم مناخ مناسب , و للاسف الحال من سىء لأسوأ , و الخوف إن ولادنا فى يوم يلاقوا نفسهم ورثوا مننا الخوف و المهانة
السلام عليكم
ازيك ياجميز
مصر بتنادينا بأعلى صوتها بس اللى حايش عنها صوتنا انه يوصلها
نعمل ايه بس
والحيط ده احنا شوفناه وكنا مش عاوزين نمشي جنبه وممشيناش
ومحدش يمشي جنب الحيط
خلينا كده ماشيين بحريتنا
وربنا معاك ويعينك ان شاء الله
تحياتى على الموضوع الجامد جدا ده
ان تتربى على الخوف فهمناها مش زنبك
بس تربي اولادك على الخوف غلط
لازم تعلمهم كيف يحكو لا وبس وكفايه لأن الحال مش كويس خاصه لأننا الامة العربيه نخلق على الصمت السلبي على حقوقنا وكرامتنا واغلى ما لدينا
يمكن صار لازم نتغير
روري
عاشقة الوطن
اللى حاش صوتنا زمان مش هيقدر يحوشه دلوقتى , هو بيحاول لكن مش هيقدر , و إن شاء الله مش هيكون صوت بس , لأ صوت و فعل
رورى
دى المصيبة الكبيرة , التربية على الغلط , و تعليم الخوف و النصح بيه , و تغذية عبارات زى .. مالناش دعوة ..إمشى جنب الحيط .. , مع ملاحظة تناول الإعلام و الدراما و وصف أى انسان بيطالب بحقه بإنه شاب بايظ و تلفان , مع إنه العكس تماماً
البلوج بتاعك جامد أوي يا جميز
وبعدين في أزمة جهل في بلدنا يا جميز
لكن واحدة واحدة بنتعلم
المهم نتعلم ونفهم كويس
قبل ما نعك الدنيا عن جهل
لما نعكها عن فهم
أحسن مانعكها واحنا مش فاهمين
***
الجماعة اللي قتلوا السادات
رجعوا قالوا معلش كنا فاهمين غلط
***
ياعم احنا عندنا عيال عايزين نربيها
بيبو
مفيش عك أكتر من اللى احنا فيه , احنا فى حالة منتهى العك
و لما نبدأ كلنا نطالب بحقوقنا هنكون خطينا خطوة كبيرة للقضاء على الجهل و المتسببين فيه
هتكتب تانى يا امتى يا جميز انا دى 10 مره ادخل واخرج من غير ما اشوف حاجه فين يا جدع الكلام
انت الغلطان
مش تتصل الأول قبل ما تيجى
هما مش عارفين انهم بالكلمة دى بيضيعو حق اولادهم
وابقى شيل الورد فيبريكشين عشان بيرخم على الزوار
sa7afia_rwsha
المصيبة ان احنا عارفين اننا كده بنضيع حقوق ولادنا , لكن للأسف معندناش القدرة على مواجهة الحقيقة دى
اختلف معك شكلاً و موضوعا يا سيد جميز
والمثل بيقول اليد لوحدها ما تصقفش وعشان صوتنا يعلى محتاج مجهود منكل فرد بشرط على سيلق قلب رجل واحد ومحال ان تجمع القلوب لانها قلوب شتى
والاتفاق على الاتفاق يكاد مستحيل وصدقنى كلامك منال صعب التحقيق لان الناس تناقضات ولاننا مقهورين فمازلنا نحيا على من خاف سلم ))
فيزو
منور يا باشا
ردى عليك بأخر جملة انت كتبتها
لاننا مقهورين فمازلنا نحيا على من خاف سلم
و دى بقى المصيبة , بسبب الخوف دا هنفضل مقهورين طول عمرنا , يعنى لازم نكسر حاجز الخوف
تحياتى ليك
Post a Comment