بعد فوز مصر بالبطولة الأفريقية نزلت مع صحابى نحتفل مع الناس فى الشوارع و الميادين , و كانت ليلة حلوة أوى , و كان منظر العَلم المصرى مبهج و مفرح , لكن بعد المرواح للبيت و منظر الأعلام المرفرفة بجمالها و روعتها مش عايز يفارق خيالى , و على غفلة و من غير أى مقدمات جالى احساس بالمرارة و الحسرة , و قولت لنفسى امتى هشوف الأعداد دى من الناس تكون ماسكة العَلم , لكن لمناسبة تانية غير الكورة ( هو كله كورة كورة .. مفيش شتيمة ) و حسيت بندم شديد , كان ممكن أستغل الفرصة و أهتف و أنادى , أنا و صحابى اللى معايا و نقول زى ما بنقول فى المظاهرات
كانت فرصة حلوة أوى , و خصوصاً فى ظل عدم التواجد الأمنى اللى بنشوفه فى المظاهرات بيحاوطنا و يضُمنا بدفئه و محبته
لكن ملحوقة ... الجايات كتير
عندنا كأس العالم للقارات
و إن محصلش .. عندنا تصفيات كأس العالم
إلا لو ربنا فرجها من عنده قبل 2009
كانت فرصة حلوة أوى , و خصوصاً فى ظل عدم التواجد الأمنى اللى بنشوفه فى المظاهرات بيحاوطنا و يضُمنا بدفئه و محبته
لكن ملحوقة ... الجايات كتير
عندنا كأس العالم للقارات
و إن محصلش .. عندنا تصفيات كأس العالم
إلا لو ربنا فرجها من عنده قبل 2009
20 comments:
اول تعليق
الف مبروك لمصر ويارب كده دايما
وفعلا زى مانت قلت
دعوه جميله اللى احنا نتجمع ونحط ايدينا فى ايد بعض
ولاء
مبرووووووووووووووووك لمصر ويارب في تقدم وعقبال مانتقدم ونتطور في حجات تانية
تحياتي
اخيرا جميز نزل موضوع من حقى اعلق برحتى بقى الف مبروك ليك ولينا وكل الى حولينا احنا كسبنا وفرحنا وهنكسب تانى طول مافى رجاله والكوره تدخل فى السياسه شويه وعموما لو مات الى بالى بالك هتلاقى ناس فرحانه اكتر
شكلك بتفهم اوى فى الكورة
ولاء
يوم على يوم هنتجمع و الأيادى هتزيد
أيامنا الحلوة
إن شاء الله هنتقدم و نتطور لما البلد تكون فى أيادى الشباب اللى زيكم , و لما البلد يتفك أسرها من إيد اللى غاصبها
صوت من مصر
زى ما انت بتقول , الناس هتكون فرحانة أكتر لما اللى بالى بالك يموت , لكن المصيبة إنى حاسس إنه هيدفنا واحد واحد
sa7afia_rwsha
آه .. بفهم فى الكورة
محسوبك يبقى محمود الخطيب
:) :)
انا موافقك فى كل كلمه قولتها و ده برده الى قولته فى مدونتى واللهى
موضوع جميل
تحياتى
انا معك
انت والمدون شريف طلال لديكم الراي عينه
ليس انتم فقط بل كل عربي احس على وجهه بسخونة قطرات دمعنا
ايمتى بس؟؟؟؟؟
تحياتي لك\\\
السلام عليكم
ازيك ياجميز
اولا مبروك الكأس
ثانيا هو احنا فعلا نفسنا نهتف ونرفع العلم لحاجات تانية مش لازم بس المظاهرات لكن للانجازات اللى نفسنا انها تحصل فى البلد اللى نفسنا تكون
وبعدين على رأيك هو كله كورة كورة مفيش شتيمة
الواحد نفسه يقول مصر أنجزت فى حاجة تانية غر الكورة
أنجزت فى حاجة تكون بجد هى المفروض
تحياتى على الموضوع الجميل ده
وان شاء الله الجايات اكتر
مبروك لمصر بس لو كنت فكرت تعمل وتهتف اى حاجه تنيه كنت اكيد مش هتعرف تكتب البوست دة
احمد الجيزاوى
شريف طلال
سعيد باتفاقنا فى الرأى
و على فكرة عجبنى أوى تحليلك لأسباب مظاهر الفرحة
عروبة
عندك حق , و دا رأى كل إنسان غيور على بلده و على إخواته فى العروبة
عاشقة الوطن
فعلا , عايزن انجاز حقيقى ملموس يمس حالتنا , و يحسن من العيشة اللى احنا عايشينها , عايزين نفتخر ببلدنا بجد , و نباهى بيها بين الأمم
جيزاوى
اللى يهمنى فى الحالة دى إنى أحُط الناس على المحك , و أشوف ايه اللى ممكن يعملوه , و عموما لو حصل حاجة هكون متأكد إنك هتستنانى قدام مجمع النيابات بالبطاطين .... و السجاير
يا جامد يا جميز
فكرة حلوة جدا
بس غالبا هتيفة الكورة هيشتغلوكوا ضرب وبعدها مبارك ممكن يمنع الكورة في مصر وتبقى قفلتها رسمي
حنة
سعيد جدا بزيارتك .. منورة
الخوف مش من ضرب هتيفة الكورة , لكن من موقفهم لما الأمن هو اللى يضرب , هتبقى الصدمة لما يلفوا وشهم الناحية التانية
انا فرحت طبعا واكتر من اى حد لان كان نفسى فى حاجه سعيده ومفرحه وسط الهموم اللى احنا فيها
بس السؤال وبعدين يعنى؟
اهى الهيصه راحت وريمه رجعت لعادتها القديمه
نشوفلنا بقى حاجه تانيه نفرح بيها شويه
بسنت
متفق معاكى , النوع دا من الفرحة مبيقعدش كتير , عقبال الفرحة الكبيرة إن شاء الله
Post a Comment