بدايةً .. أعتذر عن أى لفظ مش ظريف فى البوست دا
ــــــــــــــــــــــــــــــــ
كتب هتيف النظام ابراهيم سعدة فى عموده بجريدة الأخبار
بتاريخ 13/2/2008
لن ننسى ما فعله هؤلاء الأشاوس عندما جمعوا نسوانهم فى المقدمة و أصحاب الشوارب المنفرة فى المؤخرة و اندفعوا كالمجانين لتحطيم حواجز الحدود مع الدولة المصرية المستقلة صاحبة السيادة فوق أرضها
مشاهد التحرشات باللكمات و قصف القذائف اللفظية و الحجرية من الغزاة الغزاويين ضد المصريين - من حماة حدودنا - عرضتها شاشة التليفزيون و شاهدها عشرات الملايين فى قارات الدنيا الخمس , و ستظل محفورة فى قلوبنا و عقولنا اليوم .. و غدا .. و بعد الغد
قول لى بالله عليك , دا لو انت تعرف الله , تعمل إيه لو كنت مكانهم
بعد العدو الإسرائيلى و معاه الحكومات العربية ما حاصروهم بالجوع و المرض و الظلم و الظلام , و استشهاد أكتر من 80 مريض فلسطينى بسبب نقص الأدوية و العلاج و عدم تمكنهم من مغادرة قطاع غزة
يا ابراهيم يا سعدة يا منافق يا هتيف النظام , ياللى جاى دلوقتى تتكلم عن كرامة مصر , مع إن كرامة مصر و كرامة أهلها فى الدفاع عن إخوانهم و عن الحق , و مش طاعة أسياد أسيادك
يا ابراهيم يا سعدة ياللى بتقول و بمنتهى الكره و عدم الرحمة نسوانهم , ياترى امك راضية عن الكلام دا , ياترى أختك راضية , ياترى بنتك راضية , وياترى كل النسوان اللى فى عيلتك راضيين
يا ابراهيم يا سعدة ياللى عمرك ما هتنسى منظر اقتحام المعبر من اعداءك الغزاة الغزاويين , يا ترى فاكر دم الفلسطينيين , ياترى فاكر دم المصريين , ياترى فاكر دم أسرانا
اليوم .. و غدا .. و بعد الغد
عمرنا ما هننسى .. عمرنا ما هننسى كل كلمة نفاق و كره قولتوها لإسترضاء أسيادكم .. أسيادكم العبيد
عمرنا ما هننساكم .. ولا هننساهم
ــــــــــــــــــــــــــــــــ
كتب هتيف النظام ابراهيم سعدة فى عموده بجريدة الأخبار
بتاريخ 13/2/2008
لن ننسى ما فعله هؤلاء الأشاوس عندما جمعوا نسوانهم فى المقدمة و أصحاب الشوارب المنفرة فى المؤخرة و اندفعوا كالمجانين لتحطيم حواجز الحدود مع الدولة المصرية المستقلة صاحبة السيادة فوق أرضها
مشاهد التحرشات باللكمات و قصف القذائف اللفظية و الحجرية من الغزاة الغزاويين ضد المصريين - من حماة حدودنا - عرضتها شاشة التليفزيون و شاهدها عشرات الملايين فى قارات الدنيا الخمس , و ستظل محفورة فى قلوبنا و عقولنا اليوم .. و غدا .. و بعد الغد
قول لى بالله عليك , دا لو انت تعرف الله , تعمل إيه لو كنت مكانهم
بعد العدو الإسرائيلى و معاه الحكومات العربية ما حاصروهم بالجوع و المرض و الظلم و الظلام , و استشهاد أكتر من 80 مريض فلسطينى بسبب نقص الأدوية و العلاج و عدم تمكنهم من مغادرة قطاع غزة
يا ابراهيم يا سعدة يا منافق يا هتيف النظام , ياللى جاى دلوقتى تتكلم عن كرامة مصر , مع إن كرامة مصر و كرامة أهلها فى الدفاع عن إخوانهم و عن الحق , و مش طاعة أسياد أسيادك
يا ابراهيم يا سعدة ياللى بتقول و بمنتهى الكره و عدم الرحمة نسوانهم , ياترى امك راضية عن الكلام دا , ياترى أختك راضية , ياترى بنتك راضية , وياترى كل النسوان اللى فى عيلتك راضيين
يا ابراهيم يا سعدة ياللى عمرك ما هتنسى منظر اقتحام المعبر من اعداءك الغزاة الغزاويين , يا ترى فاكر دم الفلسطينيين , ياترى فاكر دم المصريين , ياترى فاكر دم أسرانا
اليوم .. و غدا .. و بعد الغد
عمرنا ما هننسى .. عمرنا ما هننسى كل كلمة نفاق و كره قولتوها لإسترضاء أسيادكم .. أسيادكم العبيد
عمرنا ما هننساكم .. ولا هننساهم
33 comments:
الغزاة الغزاويين ؟؟
غريب عجيب رهيب
..
يا اولاد مصر
يا اولاد النيل
يا اولاد السد العالي
فلسطين تحبكم
موضوع حلو كتير
مش جريده الاخبار
دول عالم هتيفه للنظام على رأيك
لاجىء الى متى
أولا : سعيد بتواجدك و زيارتك للمدونة
ثانيا : أنا مش مستغرب من الكلام دا , اللى قاله واحد مش مننا , و مش من ولاد النيل , كلب و اتحسب علينا مصرى
صدقنى مصر بتحب فلسطين , بس مش مصر مبارك ولا مصر ابراهيم سعدة و لا مصر المنافقين
مصر الناس اللى لسة مصريين
gannah
الأجمل هو زيارتك , و اتمنى تكرارها
البنى ادم ده لا عنده دم ولا احساس
بيفكرنى بفتحى موافقات بتاع مجلس الشعب
الراجل دة بتاع الحكومة
وبتاع الحكومة دى شتيمة على فكرة مش مدح
لكن انا فى رايى لازم نقنن عملية استغلال الفلسطينين للموارد المصرية
لان الناس فى سينا والعريش جاعت
واول يوم اتفتحت الحدود الناس صحيت الصبح فى مصر فى الاماكن القريبة ملقتش فطار
يا حكومة طالما فتحنا الحدود لازم نبقى قدها
مناكلش الفلسطينين ونجوع المصريين ولا العكس
مساعدة فلسطين واجب علينا ليس لانهم دولة فلسطين
ولكن لانهم بشر باختلاف اديانهم سلام
شريف طلال
مش بس هتيفة للنظام , دول عبيد لعبيد زيهم بالظبط , و مصيرهم كلهم مزبلة التاريخ
سعيد جدا بزيارتك و تواصلك معايا
صحفية روشة
متفق معاكى فى رأيك , رغم اعتراضى على كلمة - استغلال الفلسطينيين - لكن حتى مسألة الناس اللى فى سينا و العريش اللى صحيوا الصبح و ملقوش حاجة ياكلوها , مسئول عن كده الحكومة اللى منعت توريد أى حاجة لسينا , بالعند فى اخوانا الفليسطنيين , و حتى لو ما منعتش , هو لامؤاخذة الحكومة دى ما كانتش متوقعة اللى هيحصل , و لا كانت نايمة فى العسل علشان تحرج اخواننا
جميز بجد بوست فى كل حاجه مش لاقى كلامه اقوله تانى
بجد شكرا على كلامك
هولاء هم المنافقين الجدد
اسئل الله لا اكون منهم
ازيك يا جميز
مش قولت ليك براحة على نفسك
وقولت تبطل تلعب باب ومام
الله
بقولك ايه
عيد الام قرب هتجيب ايه لمصر
وشكرا جدا لعزائك
ان لله وان اليه راجعون
تصدق موضوع حلو اوى
انا اول مرة اجى هنا
بس عجبنى اوى الفكر والحماس اللى بتتكلم بيه يا اخى
وخاصة انى مبقوق اوى من صحف النظام
بجد تحياتى ليك جدا
اخوك
احمد الصباغ
ليسو غزاه بل هم نحن
ولا فرق بينهم وبيننا نحن اخوه فى العروبه
نحن بشر واحد
فحسبنا الله ونعم الوكيييل فى الخونه العملاء
بل التاريخ لا ينسى تخاذلهم وجبنهم ووقفهم صد اخوانهم فى العروبه
وسلامى لك يا ارض الاسراء
تحياتى ولاء
صوت من مصر
سعيد جدا بتواصلك معايا
أحمد الجيزاوى
و انا كمان بدعى نفس الدعوة
اللهم آمين
سيكو
و انا برضه قولت لك قبل كده انا بحبهم أد ايه , و بتمنى ربنا ياخدهم هم و منافقينهم فى أسفل السافلين
أكرر عزائى ليكى
و ربنا يجعله آخر الأحزان
أحمد الصباغ
سعيد جدا إنك جيت هنا
كلنا مبقوقين من النظام و من صحف النظام و من منافقينهم و كلابهم
يوم قريب هنسلسلهم من رجليهم و رقابهم و هنرميهم فى أقرب مزبلة
ولاء
متفق معاكى , احنا و اخواننا الفلسطينيين و كل الشعوب العربية واحد , و اعدائنا معروفين , الصهاينة و حكامنا العملاء الخونة اللى اتفقوا مع الكيان القذر علينا
جميل اوي الموضوع ومؤثر ومفيش كلام مني يديلة حقة
صراحه كنت ناوى أهزهق انت لكن دلوقتى ارفع لك القبعه وأهزهق معاك المدعو سعده
العيب لما يطلع من أهل العيب مايبقاش عيب:)
اولا بشكرك لزيارتك ..ثانيا انا لا اعيب لا فى الناس البلدى ولا الافرنجى ولا بعيب على الشغالات ولا ولاد الذوات ....انا بكتب حاجات اغلبها من الخيال وليسوا اشخاص حقيقين
ولما قلت ان العريس واخد ماماته فى ايده زى الحابيبه انا مش بعيب على حبه لامه ولكن الموضوع لما يكون بزيادة لدرجة السخافة يبقى ايه؟ اشكرك
لا حلو ولا قوة الا بالله
شو هالعالم في ناس كتير زيهم بلا مبدأ
زي ما قال لاجئ الى متى
والله القدس تحبكم
روري
بما إن الكلام كله بلدي من ولاد بلدي المحروسة
في مثل بيقول اللي ايده في الميه مش زي اللي ايده في النار
هو بص للموضوع من وجهة نظره
هو شايف انهم استتروا بالنساء وأراقوا الدماء
ومن وجهة نظرهم ورعبهم وخوفهم على اهلهم وأرواحهم تصرفوا هكذا
من الملام؟؟؟
من يلوم الغريق؟؟؟
قبل مايجي يحاسب الغزاويين
يحاسب اللي سابوا الموضوع لحد ماوصل الموضوع الى هذا الحد من الفوضى
مشمش
زيارتك هى الأجمل , اتمنى دوام التواصل
جمهورية مصر العربية
ابراهيم سعدة و اللى زيه مايستاهلوش التهزيىء , دول يستاهلوا الحرق
سعيد جدا بزيارتك
أحمد عبد الفتاح
على رأيك , و كل إناء ينضح بما فيه
تفتكر منافق زيه هيقول ايه يعنى
سعيد جدا بزيارتك , و على تواصل إن شاء الله
gannah
شكلك زعلانة
أكيد فيه لبس ما
عموما باعنذر عن لو تعليقى معجبكيش
أو أى شىء مش مقصود
رورى
ناس كتير فى العالم معندهاش مبدأ , و ناس كتير متعرفش أصلا يعنى إيه مبدأ , و دا واحد منهم , زيه زى اسياده
شهرزاد
هو مبصش للموضوع من وجهة نظره , هو كتب أو نقل من وجهة نظر اللى بيملوه يقول ايه , و ازاى يخللوا الناس تفقد حتى تعاطفها مع اخوانهم فى غزة , و ازتى يجهزوا مبرات سابقة للى هيحصل بعدين
سعيد جدا بزيارتك
اتمنى دوام التواصل
الغريب ليس موقف سعده بل موقف الصحف اللى اتهمت الاخوه الفلسطنين بالهجوم على الحدود وتانى يوم اعلنت انه تم الفتح بالقوات المصريه بعد اوامر رئيس الجمهوريه-- مش عارفه لامتى الكدب والتضليل بتاع صحف الحكومه وسعده واخوانه لا هروب منهم الا بعدم شراء او قراءه الصحف اللى بيكتبوا فيها --- الفلسطنين هم العرب يعنى احنا وقدرنا اننا واحد هو اكيد فاكر نفسه من المريخ ولا حاجه--- سعدت اخى الكريم بمدونتك ولى متابعه ان شاء الله
بسنت
كده كده اثناء تصفح النت الواحد بيتكعبل فى مقالة أو اتنين من النوع دا , و الحقيقة زى الواحد ما بيتغاظ من المكتوب فيها ساعات كتير بيحس بالكوميديا بسببها , و الغريب ان الناس دى عندها مقدرة غريبة على كتابة الشىء و كتابة نقيضه تانى يوم
انا معاك فى معظم الكلام اللى قولته لكن ايه رايك فى اللى بيقولو أن دخول الفلسطينيين مصر هو جزء من مخطط صهيونى لطردهم من غزه وتسكينهم فى سيناء
هما اكيد مرحب بيهم لكن الدولة الفلسطينيه هى الحل وكلنا بننادى بحق العوده مش ترك فلسطين للصهاينه
طبعآ مش قصدى عدم مساعدة الفلسطينيين لكن النظام مطلوب ارجو التعليق
Post a Comment